Perëndia e di se çfarë
22. prill e hënë
“Ka shumë plane në zemrën e njeriut, por vetëm plani i Zotit do të mbetet i pandryshuar” Fjalët e Urta 19:21 NIV
Është një fjalë që thotë: “Djalli është tek detajet”. Por për një fëmijë të shpenguar të Perëndisë, Ai është tek detajet! Kur ti e vendos zemrën në diçka dhe ajo nuk ndodh, është krejtësisht njerëzore për të përjetuar zhgënjim. Në momente të tilla, ja se çfarë duhet të mbash në mendje:
- Në më të mirën tënde, ti gjithmonë je duke punuar me informacion të kufizuar. Ti mund ta dish rezultatin përfundimtar që dëshiron, por Perëndia e di se çfarë është më e mira për ty dhe Ai planifikon në përputhje me rrethanat. “Unë jam Perëndia … që shpall fundin që në fillim … duke thënë: ‘Plani im do të realizohet dhe do të bëj gjithçka më pëlqen’” (Isaia 46:9-10 NKJV).
- Të përpiqesh që të veprosh jashtë vullnetit të Perëndisë është njësoj si të përpiqesh të hapësh rrugën duke gërrmuar një mur të trashë me një pirun. Në vend që të gërmosh rrugën tënde për të dalë nga burgu, ti gërmon rrugën tënde në një burg kur kërkon të marrësh atë që dëshiron. A do me të vërtetë që të zbatosh një plan që Perëndia nuk e ka urdhëruar? A mund të varesh tek Ai për të ditur se cila është më e mira për ty? “Me qenë se Zoti i ushtrive e ka vendosur këtë, kush mund t'ia anullojë? Dora e tij është shtrirë dhe kush mund ta detyrojë ta tërheqë?” (Isaia 14:27 TLB).
Është më mirë të zhgënjehesh përkohësisht se sa të përfundosh me diçka që nuk mund ta menaxhosh. Historia e Izraelit thotë kështu: “I shpëtoi … nga dora e armikut. Atëherë u besuan fjalëve të tij dhe kënduan lavdinë e tij. Por shpejt i harruan veprat e tij dhe nuk pritën me besim plotësimin e planit të tij … dhe e tunduan Perëndinë në vetmi. Dhe ai u dha atyre sa i kërkonin, por dërgoi midis tyre një lëngatë që pakësoi numrin e tyre” (Psalmi 106:10, 12-15 NKJV). Besoji Perëndisë dhe Ai do të të japë atë që është më e mira.
