Mos ki frikë të biesh (3)
25. korrik e enjte

“Dhe Pjetri zbriti nga barka dhe eci mbi ujëra, për të shkuar te Jezusi” Mateu 14:29, NIV, UK

Bibla thotë: “Dhe Pjetri, duke u përgjigjur tha: “Zot, nëse je ti, më urdhëro të vij te ti mbi ujëra”. Ai tha: “Eja!”. Dhe Pjetri zbriti nga barka dhe eci mbi ujëra, për të shkuar te Jezusi. Por, duke parë erën e fortë, kishte frikë, dhe duke filluar të fundosej, bërtiti duke thënë: “O Zot, shpëtomë!”. Dhe Jezusi ia zgjati menjëherë dorën, e zuri dhe i tha: “O njeri besimpak, pse dyshove?” (vargjet 28-31, NIV, UK). Kur e di se je lutur, je përgatitur dhe ke planifikuar, duhet të shkosh dhe ta bësh atë gjë.

Është normale të përjetosh frikë kur provon diçka që nuk e ke bërë më parë. Ndoshta e ke lexuar historinë e Pjetrit që tentoi të ecte mbi ujëra dhe e ke gjykuar si të dështuar. Nuk është ashtu. Në fillim, Pjetri ja del mirë për t’u larguar nga zona e tij e sigurt dhe për të bërë atë që nuk e kishte bërë më parë. Së dyti, ai përjetoi ngazëllim sepse po ecte në ujë me të vërtetë edhe sikur për një moment të vetëm; asnjë dishepull nuk mund të mburrej për këtë. Së treti, ai mori një mësim të vlefshëm: të përqëndrohesh tek Jezusi në vend të rrethanave është thelbësore kur provon të pamundurën. Së katërti, ai kuptoi se mbijetesa e tij mbështetej vetëm tek Jezusi. “Kishte frikë, dhe duke filluar të fundosej, bërtiti duke thënë: “O Zot, shpëtomë!”. Dhe Jezusi ia zgjati menjëherë dorën, e zuri dhe i tha: “O njeri besimpak, pse dyshove?” (vargjet 30-31, NIV). Jezusi nuk e gjykoi Pjetrin se ra, Ai thjesht i tha se duhet të kishte besim më të madh.

Perëndia nuk do të të lërë të mbytesh në gabimet e tua. Për sa kohë që vazhdon t’i besosh Atij, Ai do të vazhdojë të punojë deri sa ti t’ia dalësh. Ai është Ati yt qiellor dhe suksesi yt është suksesi i Tij!