Kurrë mos u dorëzo
18. qershor e martë

“Qëndroni të fortë e të patundur” 1 Korintasve 15:58 NIV

Të dështosh nuk do të thotë se nuk ke për të patur kurrë sukses; thjesht do të thotë se mund të dojë më shumë kohë. John Wayne tha një thënie shumë të bukur në filmin “The Train Robbers”. Ai tha: “Do ta kalosh pjesën tjetër të jetës tënde duke u ngritur një herë më shumë se sa rrëzohesh, kështu që më mirë të fillosh të mësohesh me këtë”. Ky është suksesi: të ngrihesh një herë më shumë se sa rrëzohesh. Nuk ja ke idenë se sa afër mund të jesh ndaj asaj që do të arrish. Por nëse dorëzohesh, nuk ke për ta ditur kurrë – plus ti i garanton vetes se nuk ke për të shkuar asnjëherë atje.

Autori Ben Stein tha: “Shpirti njerëzor nuk mbaron kurrë pasi mposhtet. Mbaron vetëm kur dorëzohet”. Revista “Time” bëri një sondazh me njerëz të cilët kishin humbur punët e tyre. Të gjithë prisnin që ata të ishin të dekurajuar dhe kokëulur, por ata zbuluan se e kishin marrë veten shpejt. Pse? Sondazhi tregoi se njerëzit që kishin humbur punët dhe kishin gjetur punë të reja ishin më të përgatitur për t’u përballur me fatkeqësitë sesa ata që kanë punuar për të njëjtën kompani për vite pa patur nevojë të mundohen nga papunësia. Kur ke përjetuar dështimin, je në fakt në një pozitë më të mirë për të arritur suksesin sesa njerëzit që nuk kanë dështuar.

Kur dështon sërish e sërish – dhe vazhdon të ngrihesh dhe të mësosh nga gabimet e tua – je duke ndërtuar karakter, forcë, këmbëngulje, përvojë dhe mençuri. Dhe njerëzit të cilët i zhvillojnë këto cilësi janë të aftë ta mbajnë suksesin e tyre, ndryshe nga ata të cilëve gjërat e mira u vijnë tepër herët dhe tepër thjeshtë. Për sa kohë që nuk dorëzohesh, je në një pozitë të mirë. Kështu që fjala për sot është - “Qëndroni të fortë e të patundur”.