Lutu për një zbulesë të dashurisë së Perëndisë (3)
14. qershor e diel
“Kush do të na ndajë nga dashuria e Krishtit?” Romakëve 8:35
Pali pyeti: “Kush do të na ndajë nga dashuria e Krishtit?”. Dhe përgjigjia është–askush, asgjë! Pastaj Pali përmendi një listë të gjatë të skenarëve më të këqij, nga vështirësitë te rreziku dhe çdo gjë në mes: “Pikëllimi, a ngushtica, a përndjekja, a uria, a të zhveshurit, a rreziku, a shpata?”. Kur Pali shkroi “rreziku”, ai ndodhej në Mesdhe gjatë një tajfuni të tmerrshëm. “Përndjekja” i kujtoi gurët që i hodhën në Listrë dhe e lanë gati të vdekur. “Ngushtica”: Pali u përball me gjykim para vetë Neronit. Ai gjithashtu qe pa ushqim, u kafshua nga një gjarpër helmues dhe iu hoqën rrobat nga trupi që të fshikullohej. Kjo nuk ndodhi vetëm një apo dy herë. Pesë herë ai mori dënimin maksimal — dyzet rrahje minus një. Shpina e Palit ishte e mbushur dhe e prerë me 195 plagë. Vështirësia ka një nga dy efektet: ose na forcon zemrën ose e zbut atë. Dhe është ky forcim ose zbutje që na formon ose na thyen.
Sipas një sondazhi mes londinezëve, 60 përqind e atyre që i mbijetuan sulmeve të gjermanëve gjatë Luftës së Dytë Botërore e kujtonin atë si kohën më të lumtur të jetës së tyre. Janë kohët e vështira që testojnë dashurinë tonë. Por kjo është gjithashtu mënyra se si ajo provohet. Dashuria e Krishtit nuk u provua nga mrekullitë e Tij—ajo u provua mbi një kryq romak. Dhe është provuar të jetë e pakundërshtueshme. Pra, pavarësisht se çfarë vështirësie, mundimi apo përndjekjeje përballon, edhe kjo do të kalojë. Më e rëndësishmja, Jezusi është me ty dhe Jezusi është për ty. Asgjë, absolutisht asgjë, nuk mund të të ndajë nga dashuria e Tij!
