Emocionet e tua kanë vlerë për Perëndinë (1)
1. dhjetor e hënë
“Sepse ne nuk kemi kryeprift që nuk mund t’i vijë keq për dobësitë tona” Hebrenjve 4:15
Emocionet—të gjithë ne i kemi. Disa i shijojmë, disa i durojmë. Pyetja është: çfarë thotë Perëndia për mënyrën se si duhet t’i menaxhojmë ata? “Ta konsideroni një gëzim të madh, o vëllezër të mi, kur ndodheni përballë sprovash nga më të ndryshmet” (Jakobi 1:2). “Le të flaket larg jush çdo hidhërim, zemërim, inat, trazirë dhe shpifje me çdo ligësi” (Efesianëve 4:31). “Dhe më në fund jini të gjithë ... plot dashuri vëllazërore” (1 Pjetrit 3:8). Perëndia ka caktuar stinë të ndryshme për ne që të qajmë, të qeshim, të vajtojmë, të duam – dhe madje edhe të urrejmë (Shiko Predikuesi 3:1-8). A kërkon Ai që në mënyrë të menjëhershme dhe tërësore t’i kontrollojmë emocionet tona? Jo. Në vend të kësaj Ai e bën veten e Tij të disponueshëm për të ndryshuar zemrat dhe karakterin tonë, që ne të mund të menaxhojmë emocionet tona në mënyrë që e lartësojnë Atë.
Në vend që të sigurojë një manual mbi vetë-menaxhimin emocional, Ai ngushëllon, inkurajon, bind dhe na ri-orienton me durim duke na ftuar që ne të bëjmë këtë: “Dhe gjithë merakun tuaj hidheni mbi të, sepse ai merakoset për ju” (1 Pjetrit 5:7). Madje edhe ndjenjat më të dhimbshme mund të sigurojnë mundësi që të zhvillojmë një marrëdhënie më të thellë me Atin tonë qiellor. Ajo gjithashtu na ndihmon që të kujtojmë se jemi krijuar në imazhin e një Perëndie emocional dhe Fjala e Tij tregon se Ai i sheh ndjenjat tona si thelbësisht të mira. Madje edhe zemërimi, një emocion që në përgjithësi konsiderohet si i keq, mund ta përlëvdojë Atë kur ne e menaxhojmë në një mënyrë jo egoiste. Nuk ka të bëjë me atë që ndjejmë, por me mënyrën se si i menaxhojmë ato ndjenja. Dhe Perëndia mund të na japë hirin që ta kthejmë çdo emocion në një atribut që e përlëvdon Atë.
