Vazhdo t’i besosh Zotit; Ai do të ndërhyjë!
11. Gusht E Enjte

“Dhe Perëndia shikoi bijtë e Izraelit, dhe Perëndia u kujdes për ta” Eksodi 2:25 NLT

“Por ndodhi që, mbas një kohe të gjatë vdiq mbreti i Egjiptit, dhe bijtë e Izraelit rënkonin për shkak të skllavërisë; ata bërtitën dhe britma e tyre për shkak të skllavërisë u ngjit deri tek Perëndia. Kështu Perëndia dëgjoi rënkimin e tyre, dhe Perëndisë iu kujtua besëlidhja që kishte përfunduar me Abrahamin, me Isakun dhe me Jakobin. Dhe Perëndia shikoi bijtë e Izraelit, dhe Perëndia u kujdes për ta” (vargjet 23-25 NLT). Atëherë kur izraelitët mendonin se jeta nuk mund të ishte më keq se aq, Faraoni e pakësoi kashtën dhe i urdhëroi të prodhonin të njëjtin numër tullash për ditë. Aty ata arritën pikën e tyre të thyerjes!

A je edhe ti në këtë pikë sot? Nëse po, ja tre gjëra të cilat duhet t’i dish: 1) Ndonjëherë të shprehësh atë që ndjen të ndihmon. Veçanërisht kur ti e bën në kohën e duhur, në mënyrën e duhur dhe me njerëzit e duhur. Mund të jetë terapi e mirë shëruese. Por shpesh të nevojitet ndihmë të cilën nuk mund ta gjesh tek njerëzit, prandaj 2) Vjen një kohë kur duhet t’i thërrasësh Zotit. Zoti i pa ata që mundoheshin t’ja dilnin mbanë edhe një ditë tjetër. Por për shkak se ata i flisnin gjithkujt përveç Tij, asgjë nuk ndryshoi. Pyetje: a je lutur për këtë gjë? Lutja duhet të jetë zgjedhja jote e parë, jo mjeti yt i fundit i zgjidhjes. Davidi tha: “Në ankth kërkova Zotin, dhe Zoti m'u përgjigj dhe më çoi larg. Zoti është për mua; unë nuk do të kem fare frikë; çfarë mund të më bëjë njeriu?” (Psalmi 118:5-6 NKJV). Lutjet e Davidit e nxorrën nga një vend i vështirë dhe e çuan pranë Zotit.

3) Zoti do ta mbajë gjithmonë premtimin e Tij. “Perëndisë iu kujtua besëlidhja që kishte përfunduar me Abrahamin…Dhe Perëndia shikoi bijtë e Izraelit, dhe Perëndia u kujdes për ta” (Eksodi 2:24-25 NLT). Zoti punon sipas planit të Tij, jo tonit. Ai ka vendosur një program për përgjigjen e pyetjeve të tua dhe shpëtimin tënd, prandaj vazhdo të lutesh dhe të besosh në Të.