Të udhëtosh me pak gjëra me vete
5. dhjetor e premte
“‘Kur ju dërgova pa trasta, pa thes dhe pa sandale, vallë a ju mungoi gjë?’. Dhe ata thanë: ‘Asgjë’” Luka 22:35
Jezusi tha: “Kini kujdes dhe ruhuni nga lakmia, sepse jeta e njeriut nuk qëndron në mbushullinë e gjërave që zotëron” (Luka 12:15). Ne jetojmë në një shoqëri materialiste që është e fiksuar me grumbullimin e gjërave. Por sa më shumë që të kesh, aq më shumë do të duhet të shqetësohesh. Prandaj, çfarë mendon se donte Jezusi t’u mësonte dishepujve të Tij kur Ai i dërgoi ata ‘pa trasta, pa thes dhe pa sandale’?
Autorja Cynthia Ruchti pyet: “A po u tregonte Ai se Ai ishte gjithçka që ata do të kishin nevojë? A donte Ai që t’u mësonte varësinë tek Ai? A po i udhëzonte Ai në përulësinë e të pranuarit ndihmë prej të tjerëve – një krevat për natën, një vakt ushqimi, një pallto të marrë hua kur bien temperaturat? A shpresonte Ai se ata do të kuptonin se mund t’ja dilnin mbanë duke pasur pak gjëra? Se suksesi i tyre varej nga të udhëtuarit duke pasur pak gjëra me vete? Se ata do të ishin më të sigurt nga hajdutët përgjatë udhëtimit nëse ata s’do të kishin asgjë me vlerë për të vjedhur? A ishte fokusi ai për të cilin Jezusi interesohej më shumë? Duke mos pasur asgjë në duart e tyre që do t’ua tërhiqte vëmendjen, a do të kapeshin më fort dishepujt pas fjalëve të Tij dhe pas shërbesës së kujdesit për nevojat fizike dhe frymërore të njerëzve? Sa më shumë që mendoj për të, aq më shumë vlerë shoh në direktivën “pa bagazhe”.
Po sikur ta nisja ditën, i vetëdijshëm se s’kam portofol me vete, me mendësinë e mos pasjes këpucë ekstra, i fokusuar intensivisht tek Jezusi, tek Fjala e Tij dhe misioni i Tij, misioni që Ai na e pasoi neve? Po sikur unë ta masja suksesin jo me sa shumë kam grumbulluar, por me sa pak më nevojitet që të mbijetoj nëse unë qëndroj pranë Jezusit? çfarë do të më mungonte? Asgjë!”.
