Vendos dhe ec sipas atij vendimi!
6. Prill E Martë

“Sa për mua dhe shtëpinë time, ne do i shërbejmë Zotit” Jozueu 24:15 NKJV

Njerëzit që kanë sukses në jetë i vendosin përparësitë e tyre herët dhe i mbajnë ato çdo ditë. Atyre nuk u duhet që t’i rivendosin ato. Kjo është një ide e mirë për dy arsye:

(1) Kjo e nxjerr jashtë emocionin. Nëse nuk je i kujdesshëm, ti mund të marrësh një vendim që të ndryshon jetën duke u bazuar në një situatë të përkohshmë e jo në vullnetin e Perëndisë. Ose më keq, duke i bazuar vendimet e tua tek ndjenjat e tua! Duke i vendosur përparësitë e jetës tënde përpara momentit kur do të të duhet ta bësh, ti mund ta bësh atë pa i lejuar emocionet që të të manipulojnë dhe kontrollojnë. Për më tepër, ke më shumë mundësi që t’i vendosësh ato me integritet. Jozueu e bëri këtë: “Sa për mua dhe shtëpinë time, ne do i shërbejmë Zotit”.

(2) Të ndihmon që ta menaxhosh më lehtë jetën tënde. Sapo të vendosësh atë që është e rëndësishme për ty, ti mund të jetosh duke u mbështetur tek ato parime. Le të supozojmë se je një kumarxhi dhe ke vendosur që të heqësh dorë. Detyra jote, pas kësaj, bëhet drejtimi i jetës tënde nën dritën e këtij vendimi. Kjo me shumë mundësi do të thotë që të mos kalosh nga pista e garave apo të shkosh me pushime në Las Vegas. Ose le të themi, se ti do të ndërtosh një martesë më të mirë: kjo mund të nënkuptojë që të kalosh më pak kohë në punë apo tek kursi i golfit dhe të planifikosh një ditë në javë për ta kaluar me bashkëshortin/en tënde.

Duhet ndershmëri, që lind në lutje, për të ditur se cilët janë problemet e tua të vërteta dhe të marrësh vendime të mira siipas kësaj. Dhe duhet karakter dhe këmbëngulje për të vazhduar më përpara pasi të kesh marrë vendimet. Gjëja më fantastike është që në momentin që ti vendos, atëherë “besoja Zotit veprimet e tua dhe planet e tua do të realizohen” (Fjalët e Urta 16:3 NLT). Ai do të të japë forcën çdo ditë që të jetosh sipas vendimeve të tua.