A e mban mend se si ke qenë? (2)
27. Janar E Enjte
‘E kam bërë veten time gjithçka për të gjithë, që të mund të shpëtoj me çdo mënyrë disa njerëz’ 1 Korintasve 9:22 MSG
Është shumë e lehtë të zhvillosh ‘amnezi frymërore’. Ti harron se si ke qenë. Dhe kjo sjellje ndikon tek njerëzit me të cilët merresh çdo ditë. Një autor shkruan: ‘Unë kam një kolege në vendin e punës që mishëron të gjitha stereotipet negative të të krishterëve ungjillorë. Ajo është gjykuese...sjellja e saj kufizohet me të çuditshmen...ajo është plotësisht (dhe qëllimisht) jashtë kontaktit me kulturën. Ajo merr në konsideratë çdo përpjekje për ta bërë ungjillizimin e saj të duket si persekutim...Asnjë prej nesh nuk do që të jetë ashtu, kështu që ne hipim në lavjerrësin ndërsa ai lëkundet në drejtimin tjetër dhe përpjekjet tona bëhen aq të holla, saqë janë të padukshme’.
Si mund ta ndajmë besimin tonë ndërsa ruajmë një nivel të lartë të integritetit?
1) Bëj pyetje të sinqerta dhe dëgjo me një frymë përkujdesjeje.
2) Kur është momenti i duhur, thuaju të tjerëve se po lutesh për ta – dhe më pas bëje këtë!
3) Lutu kur je duke shkuar në punë dhe kërkoji Perëdisë që të të ndihmojë ta shohësh vendin e punës si një fushë misioni.
4) Mos e ul rëndësinë e besimit tënd. Kur përshtatet natyrshëm në një bisedë, fol për kishën, lutjen, Shkrimin dhe komunitetin e krishterë. Lëri të tjerët që të shohin gëzimin dhe qëllimin në jetën tënde.
5) Shfaqë dashurinë e Perëndisë për të gjithë njerëzit duke nisur një mbledhje ushqimi për bamirësi tek vendi yt i punës…ose duke organizuar një fushatë dhurimi gjaku.
6) Përpiqu për shkëlqyeshmëri. Ji personi që menaxheri dhe bashkëpunëtorët e tu mund të mbështeten për të bërë një punë solide.
7) Ftoji kolegët e punës në ngjarje bashkë me miqtë e tu të krishterë. Ata që nuk shkojnë në kishë shpesh janë të hapur që të shkojnë në kishë për Krishtlindje a Pashkë.
8) Kur nuk je i sigurt se çfarë të thuash, konsultohu me Perëndinë dhe ‘kur të vijë koha...Fryma e Shenjtë do të dëshmojë në ty dhe përmes teje’ (Marku 13:11 MSG). 9) Përmbi të gjitha – ruaj një sjellje përulësie!
