Duke zhvilluar një mendësi frymërore
6. qershor e shtunë
“Ata që rrojnë sipas Frymës në gjërat e Frymës” Romakëve 8:5
Kujtesa muskulare nuk ruhet në muskuj. Ajo është një kujtesë procedurale që ruhet në tru sa herë që përsërit një lëvizje muskulore. Qoftë vendosja e një topi golfi në vrimë apo të luash violinë, kujtesa muskulore forcohet sa më shumë që përsëritet. A ke dëgjuar për rregullin e 10,000 orëve? Psikologët thonë se kjo është sasia e kohës që nevojitet për t’u bërë ekspert në çfarëdo fushe. Kjo është inkurajuese, sepse do të thotë se çdokush mund ta arrijë, por edhe dekurajuese, sepse do të thotë se nuk ka rrugë të shkurtra, pavarësisht sa i zgjuar apo i talentuar je. Ashtu si një gjuhë e huaj, zhvillimi i një mendësie shpirtërore është një proces mësimi.
A mund ta imagjinosh të zhgënjehesh ditën e parë të një kursi gjuhe të huaj sepse nuk flet ende rrjedhshëm? Kështu ndihemi shpesh kur nuk jemi të rrjedhshëm në lutje ose të fortë në besim apo të disiplinuar në zakonet tona. Psalmi 84:7 thotë se ne “kalojmë nga një forcë tek tjetra”. Do të punosh për këtë gjatë gjithë jetës sate, ditë pas dite. Do të vazhdosh të vendosësh piketa përparimi. Tavani i besimit tënd bëhet dyshemeja e besimit tënd. Dhe mos gabo — disiplinat shpirtërore grumbullojnë interes të përbërë. Ato shpërblejnë në gëzim, përmbushje dhe fuqi në marrëdhënien me Perëndinë. “Sepse ata që rrojnë sipas mishit e çojnë mendjen në gjërat e mishit, por ata që rrojnë sipas Frymës në gjërat e Frymës. Në fakt mendja e kontrolluar nga mishi prodhon vdekje, por mendja e kontrolluar nga Fryma prodhon jetë dhe paqe” (Romakëve 8:5–6).
