Vazhdo përpara
2. tetor e enjte
“Duke i drejtuar sytë te Jezusi, kreu dhe plotësonjësi i besimit” Hebrenjve 12:2
Një mësues i shkollës së të dielës po tregonte historinë se si Jona nuk iu bind Perëndisë dhe përfundoi i gëlltitur nga një peshk i madh. Për tre ditë ai thirri nga thellësitë e detit dhe pas tre ditësh e tre netësh, Perëndia e urdhëroi peshkun që ta villte në breg. Në fund të mësimit, mësuesi i pyeti nxënësit për atë që kishin mësuar dhe një djalë i vogël foli: “Kjo vetëm tregon se nuk mund ta mbash poshtë një njeri të mirë”. Nuk mbytesh kur hidhesh në ujë; mbytesh duke qëndruar aty. Davidi tha: “Hapat e njeriut i drejton Zoti, kur atij i pëlqejnë rrugët e tij. Por kur njeriu rrëzohet, nuk shtrihet për tokë, sepse Zoti e mban për dore” (Psalmi 37:23-24). Kur ëndrrat dhe planet e tua prishen, vazhdo përpara dhe “rend me durim” (Hebrenjve 12:1).
Winston Churchill ka thënë: “Hunda e një bulldogu anohet prapa, në mënyrë që ai të marrë frymë pa e lëshuar prenë’. Kur përqëndrohesh tek diçka, ti po e fuqizon dhe po i jep vrull asaj gjëje; ja pse Satani do që ti të përqëndrohesh tek gjërat që nuk kanë rëndësi. Jezusi pa përtej kryqit. Ai u përqëndrua tek ajo që gjendej në anën tjetër të tij. Bibla na thotë t’i drejtojmë sytë “te Jezusi, kreu dhe plotësonjësi i besimit”. Mbaj mend, Perëndia nuk të shpërblen çdo javë, Ai të shpërblen në fund. Do të shpërblehesh në bazë të mënyrës se si ke mbaruar, jo si fillove. Pali thotë: “Sepse trishtimi ynë i lehtë që është vetëm për një moment, prodhon për ne, një peshë të pamasë e të pashoqe të amshueshme lavdie” (2 Korintasve 4:17). Prandaj, ji i fokusuar – dhe vazhdo përpara!
