Gjej vendin tënd në trupin e Krishtit (2)
15. Shtator E Martë

“Por Perëndia ka vënë çdo gjymtyrë të trupit si ka dashur” 1 Korintasve 12:18 NIV

A mendon sikur të bashkohesh me një kishë ku njerëzit janë “më shumë si ti”? Një skuadër misionarësh në Kenia po udhëtonin përmes fushave për tek destinacioni i tyre të drejtuar nga një eskortë e fisit Masai. Gjatë rrugës vëmendja e tyre u tërhoq nga tufat e antilopave afrikane dhe zebrave që migronin së bashku. Eskorta e tyre i shpjegoi pse dy tufa të mëdha të përbëra me specie kaq të ndryshme udhëtonin së bashku. Ai tha se antilopat kanë shikim të dobët por një sens nuhatjeje shumë të zhvilluar, ndërsa zebrat kanë shikim të mirë por nuhatje të dobët. Kështu, së bashku ato ishin më pak të rrezikuara nga sulmet sepse ndryshimet e tyre kompensonin dobësitë e tyre. Pali shkruan: “Po të ishte gjithë trupi sy, ku do të ishte dëgjimi? Po të ishte gjithë dëgjim, ku do të ishte të nuhaturit?” (v. 17 NIV). Kjo të kujton antilopat dhe zebrat apo jo? Kur ne bëhemi pjesë e një klubi, ne zakonisht zgjedhim të jemi me njerëz që janë shumë pak të ndryshëm nga ne. Dhe ndërsa këto ndryshime mund të të irritojnë ndonjëherë, ato janë ndryshime që Perëndia i ka hartuar për ty. Zebrat dhe antilopat nuk kanë pse ta pëlqejnë njëri-tjetrin, por mbijetesa dhe suksesi i tyre varen nga marrëdhënia e mirë me njëri-tjetrin, rritja jote frymërore nuk varet nga të rënit dakord me këdo, por varet nga të dashurit mjaftueshëm për të jetuar së bashku duke rënë dakord!