Ji i sigurt për dashurinë e Perëndisë ndaj teje
17. prill e premte
“Dhe ne njohëm dhe besuam dashurinë që Perëndia ka për ne” 1 Gjonit 4:16
Kur dështon, dashuria e Perëndisë për ty nuk dështon. Dhe për të shijuar plotësinë e asaj që Ai dëshiron që të kesh, duhet ta besosh këtë. Njohuria e dashurisë së Perëndisë do të të çojë drejt fitores kur fuqitë e ferrit janë kundër teje. Njohuria e dashurisë së Perëndisë do të të çojë përmes stuhive të jetës dhe në një vend paqeje. Dashuria e Perëndisë nuk kufizohet vetëm në ditët kur ke performuar mirë. Ai të do po aq shumë edhe gjatë kohërave kur dështon. Duhet të jesh i sigurt për dashurinë e Tij, veçanërisht kur ke sprova dhe djalli të akuzon dhe të thotë: "Epo, duhet të kesh bërë diçka gabim".
Dashuria e Perëndisë nuk ndahet në një sistem merite. Ti nuk bëre asgjë për të merituar dashurinë e Tij; prandaj, nuk mund të bësh asgjë për ta humbur atë. Gjoni shkroi: “Dhe ne njohëm dhe besuam dashurinë që Perëndia ka për ne. Perëndia është dashuri; dhe ai që qëndron në dashuri qëndron në Perëndinë dhe Perëndia në të. Në këtë dashuria u përsos në ne (që të kemi guxim në ditën e gjyqit): sepse sikurse është ai, po kështu jemi edhe ne në këtë botë. Në dashuri nuk ka frikë, madje dashuria e përsosur e nxjerr jashtë frikën, sepse frika ka të bëjë me ndëshkimin, dhe ai që ka frikë nuk është i përsosur në dashuri” (1 Gjonit 4:16-18). Prandaj, ji i sigurt për dashurinë e Perëndisë ndaj teje.
