Perëndia po vepron në ty, me ty dhe përmes teje
29. maj e premte
“Që dashuria, me të cilën ti më ke dashur mua, të jetë në ta dhe unë në ta” Gjoni 17:26
Përpara se të arrestohej dhe të çohej në kryq, Jezusi u lut: “[Atë], unë i kam bërë të njohin emrin tënd dhe do të bëj ta njohin akoma, që dashuria, me të cilën ti më ke dashur mua, të jetë në ta dhe unë në ta”. Kur vjen puna te njohja dhe përgjigjja ndaj pranisë së Perëndisë në jetën tonë, autori i krishterë,
John Ortberg, thotë se ai jeton sipas këtyre dymbëdhjetë së vërtetave: (1) Perëndia është gjithmonë i pranishëm dhe aktiv në jetën time, pavarësisht nëse e shoh Apo jo. (2)Të njohësh dhe të përjetosh praninë e Perëndisë është një aftësi e mësueshme; unë mund ta kultivoj atë. (3) Detyra ime është të takoj Perëndinë në këtë moment. (4) Unë gjithmonë prirem të jetoj “jashtë” këtij momenti. Kur e bëj këtë, humbas ndjesinë e pranisë së Perëndisë. (5) Ndonjëherë Perëndia duket larg për arsye që nuk i kuptoj. Edhe ato momente janë mundësi për të mësuar. (6) Sa herë dështoj, gjithmonë mund të filloj përsëri menjëherë. (7) Askush nuk e di shkallën e plotë në të cilën një njeri mund të përjetojë praninë e Perëndisë. (8) Dëshira ime për Perëndinë varet dhe ndryshon, por dëshira e Tij për mua është e vazhdueshme. (9) Çdo mendim mban një “ngarkesë shpirtërore” që më afron pak më shumë ose më larg Perëndisë. (10) Çdo aspekt i jetës time—puna, marrëdhëniet, hobet, detyrat—është me interes për Perëndinë. (11) Rruga ime për të përjetuar praninë e Perëndisë nuk do të duket njësoj si rruga e dikujt tjetër. (12) Përpjekja e tepruar dhe mundimi i tepërt nuk ndihmojnë.
Pra, fjala për ty sot është—Perëndia po punon në ty, me ty dhe përmes teje!
