Një ditë do të kuptosh plotësisht
9. janar e premte
“Tani njoh pjesërisht, kurse atëherë do të njoh thellë ashtu sikurse njihem” 1 Korintasve 13:12
Kur Corrie Ten Boom udhëtonte nëpër botë duke ndarë përvojat e saj, ajo shpesh fliste me kokën poshtë. Ajo dukej sikur po lexonte shënime, por në fakt po qëndiste me gjilpërë. Kur ajo mbaronte së treguari historinë e saj mbi mizoritë që vuajti nga nazistët, ajo tregonte qëndisjen me të cilën po punonte. Në fillim tregonte anën e pasme, e cila ishte thjesht një rrëmujë fijesh me ngjyra pa një model të dallueshëm. Dhe thoshte: “Kështu i shohim jetët tona. Ndonjëherë nuk ka kuptim”. Më pas, do ta kthente qëndisjen nga ana tjetër për të treguar punën e mbaruar. Dhe thoshte: “Kështu e shikon Perëndia jetën tënde dhe një ditë do të kemi privilegjin që ta shohim nga këndvështrimi i Tij”.
Më pas, ajo do ta mbaronte bisedën e saj me këtë poezi të shkruar nga Grant Colfax Tullar, një shërbestar: “Jeta ime është vetëm një gërshetim mes meje dhe Zotit tim; nuk mund t’i zgjedh ngjyrat, Ai punon vazhdimisht. Shpesh Ai thur pikëllim dhe unë, me krenari të pamend, harroj se Ai sheh nga lart dhe unë nga poshtë. Vetëm kur tezgjahu të heshtë dhe avionët të mos fluturojnë më, atëherë Perëndia do ta hapë kanavacën dhe do të shpjegojë arsyen pse. Fijet e errëta janë aq të nevojshme në dorën e aftë të Endësit, sa fijet me ar dhe argjend në modelin që Ai ka planifikuar”.
Pali shkruan: “Tani në fakt, ne shohim si në pasqyrë, në mënyrë të errët, por atëherë do të shohim faqe për faqe; tani njoh pjesërisht, kurse atëherë do të njoh thellë ashtu sikurse njihem”.
