Duke restauruar njerëzit e dëmtuar (4)
13. Maj E Hënë

‘Ai kërkoi të shihte kush ishte Jezusi’ Luka 19:3 NIV (Botimi 2011)

Bibla thotë: ‘Një njeri i quajtur Zake, i cili ishte kryetari i tagrambledhësve dhe ishte i pasur. Ai kërkonte të shihte kush ishte Jezusi... Atëherë rendi përpara dhe u ngjit në një fik për ta parë, sepse ai duhet të kalonte andej’ (v. 2-4 NIV, Botimi 2011). Historia e Zakeut na mëson se të qënit i pasur nuk na mbron nga të qënit i dëmtuar. Se si disa njerëz të pasur u dëmtuan kjo gjendet në historinë se si ata u bënë të pasur. Kur ti e shkel ndërgjegjen tënde, është e vështirë që të jetosh nën lëkurën tënde. Kur ti i shkëmben vlerat e tua themelore me paranë, suksesi yt mund të jetë i rremë dhe faji yt i rëndë. Zakeu luftonte me këtë: ‘Zot...po të kem marrë ndonjë gjë nga ndonjëri me mashtrim, do t’ia kthej katërfish’ (v. 8 NIV, Botimi 2011). Nëse kjo është mënyra se si ndjehesh sot, Jezusi po të thotë ty tre gjërat që Ai i tha Zakeut: 1) ‘Zbrit shpejt’. Mos e vono shpëtimin tënd as edhe një ditë. Në çdo moment ti je aq afër përjetësisë sa mungesa e një rrahje zemre apo një qelizë malinje. Mos luaj kumar me shpirtin tënd; Drejtoësohu me Perëndinë ndërsa mundesh. 2) ‘Zbrit poshtë’. Përule veten tënde. Gjunjëzohu tek këmbët e Atij që të do dhe dha jetën e Tij për të të shpenguar. Nuk ka rëndësi se sa keq ke dështuar: ‘Po t’i rrëfejmë mëkatet tona, ai është besnik dhe i drejtë që të na falë mëkatet dhe të na pastrojë nga çdo paudhësi’ (1 Gjonit 1:9 NKJV). 3) ‘Sot duhet të rri në shtëpinë tënde’ (Luka 19:5 KJV). Fjala ‘të rri’ do të thotë ‘të banoj’. Refuzo të jetosh edhe një ditë tjetër pa sigurinë që Krishti jeton në zemrën tënde, drejton hapat e tu dhe kujdeset për gjithçka që ka të bëjë me ty.