Vazhdo të vraposh! Vazhdo t’i mbash sytë tek Jezusi!
10. Korrik E Mërkurë

‘Le të rendim...duke i drejtuar sytë tek Jezusi’ Hebrenjve 12:1-2 NLT

Glenn Cunningham lindi në një fermë në Kansas dhe u arsimua në një shkollë që përbëhej nga një dhomë. Ai dhe vëllezërit e tij ishin përgjegjës që ta mbanin ndezur zjarrin e shkollës. Një mëngjes, ndërsa djemtë po hidhnin vajguri mbi qymyrin që të ndiznin zjarrin përpara se të fillonte mësimi, soba shpërtheu. Glenn vrapoi drejt derës dhe më pas pa që vëllai i tij kishte rënë përtokë dhe nuk po lëvizte. Ai u fut brenda për të ndihmuar, duke marrë të djegie të tmerrshme. Në fund, vëllai i tij vdiq dhe Glenn u shtrua në spital me të djegie të rëndë në këmbët e tij. Tragjedia u duk se i dha fund ëndrrës së tij për të vrapuar. Megjithatë, ai ishte i vendosur që të ecte sërish – gjë të cilën doktorët thanë se nuk do të ndodhte, por ja që ndodhi. Më pas, ai filloi që të vraponte. Përmes shumë periudhave të dekurajimit dhe zhgënjimit, ai vazhdoi të vraponte dhe të bëhej më i shpejtë. Ja doli shkëlqyeshëm të vraponte për një milje. Kështu, ai ia vuri syrin rekordit ndërkombëtar për distandën e tij dhe e theu atë! Më pas ai vendosi një rekord të ri botëror. Çfarë e shtyu atë që të vazhdonte të vraponte? Ai tha se po mendonte për vëllain e tij. Kur të ndjehesh i dekurajuar dhe do që të heqësh dorë, mendo për Jezusin: ‘Le të rendim me durim në udhën që është përpara nesh, duke i drejtuar sytë te Jezusi, kreu dhe plotësonjësi i besimit, i cili, për gëzimin që ishte përpara tij, duroi kryqin duke e përçmuar fyerjen dhe u ul në të djathtën e fronit të Perëndisë. Kujtoni, pra, atë që duroi...që të mos lodheni dhe të ligështoheni në shpirtin tuaj’ (v. 1-3 NLT).